CT scan sang Upper Valley Community hospital nga wala nagamit ginapabalhin sa South Cotabato Provincial Hospital, Dialysis equipment ginalauman magaoperate sa Oktubre.

Ginapabalhin ni Governor Reynaldo Tamayo Jr., ang CT scan nga yara sa Upper Valley Community Hospital sa South Cotabato Provincial Hospital tungod wala pa man suno pa ini ginagamit sa nasambit nga balay bululngan.
May-angot sini, sa masunod nga bulan magamit na suno pa ang CT scan sa Provincial Hospital.
Samtang ginalauman naman suno pa nga sa bulan sang Oktubre subong nga tuig may-yara na sang dialysis equipment sa South Cotabato Provincial Hospital.
Ginpahayag sang gobernador nga daku ka tama ang ginagasto sang provincial government para sa assistance sa mga pasyenti nga nagapadialysis.