CTTMO: Amping sa pagmaneho

32

Davao City – Kinahanglang susihon ang kondisyon sa sakyanan ilabi na sa mga truck una kini sila padaganon aron malikayan ang aberiya o disgrasya atol sa biyahe.

Sumala ni Renato Ortiz, Traffic Enforcer sa City Transport and Traffic Management Office (CTTMO), tumong niini aron malikayan ang susamang nahitabong road crash sa Matina Pangi Diversion human nawad-on sa preno ang usa ka Wing Van Truck nga nidasmag ug nibagnos ngadto sa walo ka laing mga sakyanan resulta sa kamatayon sa napulo ka mga tawo.


Pasidaan usab ni Ortiz nga angay sundon usab sa tanang motorista ang mga balaud-trapiko sama sa speed limit ug uban pa ingon man ang pag-ampingsa paggunit sa manibela.

“Bisan pa ug clear nato ang sakyanan, kinahanglan gihapon nato ang pag-amping sa pagmaneho,” segun sa traffic enforcer.

RadyoMaN Bernard Pantallon

Facebook Comments

From Advertisers