Davao City – Kulang pa ang nadeploy na mga Peak Hours Augmentation Bus Service (PHABS) dinhi sa syudad sa Davao isip tubag sa mga matanggong nga mga pasahero gikan Toril ug Catalunan Grande.
Kini base sa assessment sa Davao City transport Traffic Management Office (CTTMO).
Sumala ni CTTMO chief Ret. Col. Dionisio Abude, aduna pay mga pasahero nga wala ma-akomodar sa kadalanan panahon sa peak hours mga alas-6:00-9:00 sa buntag ug alas-5:00-8:00 sa gabii.
Sa ilang assessment, adunay 1,227 ka mga pasahero ang na-akomodar sa unang adlaw sa pag-arangkada sa dakbayan diin 673 gikan sa Toril ug 550 sa Catalunan Grande.
Segun ni Abude nga lantawon usa nila kung ma comply na sa Mindanao Star Bus ang kulang pang lima nga dugang bus base sa ilang suhestiyon.
Sa pikas bahin gikumpirma ni Assist. City administrator for Operations Atty. Tristan Dwight Domingo nga posibleng mag deploy usab og mga bus sa Mintal ug Lasang.
Sumala pa nga Marso lang kutob ang augmented buses apan mamahimong palungtaron pa kung buot sa lokal nga panggamhanan.
RadyoMaN Jason Amisola
