Davao City – Patay nang napalgan sulod sa usa ka apartment sa Room 1, Purok 6, Brgy. Tomas Monteverde, Agdao, Davao City, ang usa ka membro sa City Transport and Traffic Management Office (CTTMO) nga si Samuel Borromeo, 62 anyos, biyudo ug residente sa nasangpit nga lugar.
Subay sa report sa Sta. Ana Police Station, sumala sa witness nga si Fedirico Tan Jr., nagpuyo sa maong lugar, alas 2:00 sa hapon iyang gituktok ang pultahan sa biktima aron imbitahon og merienda apan wala na kini nitubag sa dihang gili-li sa bintana nakit-an na lamang nga naghigda ang biktima sa salog sa kusina duol sa comfort room (CR) nga wa nay kinabuhi.
Nasayran nga nag-inusara na lamang nga nagpuyo ang biktima ug dunay gihambin nga balati-an (Acute Gastroenteritis) ug walay foul play sa kamatayon.
RadyoMaN Don Pulayao
