Giawhag ni Dionisio Abude, City Transport and Traffic Management Office (CTTMO) ang mga commuters nga i-report kanila pinaagi sa pag-picture sa plate number, body sa taxi o ang PUV ID nga makita sa sulod sa taxi aron maidentipika dayon ang ilahang gireklamo.
Sumala ni Abude, violation sa prangkisa sa Land Transportation Franchising and Regulatory Board ( LTFRB) ang mubalibad sa paghatod, dili mukambyo sa pamasahe, makigaway sa pasahero, pagpanaog sa pasahero ug uban pang binuhatan sa dili mga disiplinadong drayber.
Segun ni Abude ipatawag dili lang ang taxi drayber nga gireklamo pati na ang operator diin kung mapamatud-an ang reklamo batok kanila pwedi kining ma-suspende, matanggala’g lisensya ug kung kapilang higayon na gihimo ang sayop i-impound na ang taxi unit.
Samtang, sumala ni Charlotte Parba, CTTMO Acting Admin Officer, gipakusgan nila ang maong adbokasiya para sa proteksyon ug safety sa mga manakayay.
Mamahimong ipadangat ang mga reklamo pinagi sa pag-text o tawag niining hotline numbers: City Transport and Traffic Management Office (CTTMO) Smart: 0960 867 9384, Globe: 0995 421 3525, Land Transportation Franchising and Regulatory Board (LTFRB): Telephone (082) 298-3602, Davao City Reports (DCR) Facebook: m.me/davaocityreports, Telephone: (082) 296 7866, Smart: 0919-072-2222, Globe: 0917-131-2333 ug E-mail @davaocityreportsigmail.com.
RadyoMaN Aimee Guinita
