Davao City- Gikatakdang iimplementar sa dakbayan sa Davao ang Tricycle Body Number. Sumala ni Dionisio Abude, City Traffic and Transport Managent Office chief, kini aron adunay identity ug maila ang mga gabyaheng mga trisikel sa dakbayan.
Segun ni Abude, ipatuman nila kini ilawom sa Ordinance No. 0334-12 kun “Comprehensive Transport and Traffic Code of Davao City”.
Gibutyag ni Abude, buot niining sa hinanaling panahon mapatuman dayon kini tungod usab sa nahitabo nga dili maayo sa syudad lakip na ang unknown ug missing pa nga bao-bao trike nga gisakyan sa mga suspek sa Braga Rape Slay case nga lisod maidentipika ug ma-trace.
Aduna nay naka-designate abbreviation ang kada barangays alang sa maong body numbering.
Sumala ni Abude, buot niining adunay QR CODE ang mga sticker body number nga ipilit sa mga tricycle aron maila dayon ang gapamasaheruang mga trike.
RadyoMaN Aimee Guinita
Facebook Comments
