Sumala ni CTTMO Head Dionisio Abude nga subay sa ilang datos dili mu-ubos sa 12 milyones ka pesos ang gikita sa CTTMO gikan sa koleksiyon sa parking fee sa miaging tuig.
Sigun ni Abude nga subay kini sa pahibalo sa City Treasurer’s Office ngadto sa ilang buhatan nga miabot og 12milyones ka pesos o mas labaw pa niini ang nalikop nga panalapi sa lokal nga gobyerno gikan sa parking fee.
Hinuon wala na midugang og pagpasabot si Abude kon ang income sa CTTMO gikan sa parking fee sa 2022 mas taas ba o ubos itandi sa tuig 2021.
Nasayran nga dunay pipila ka mga dalan sa poblacion area sa dakbayan ang gihimuan og ordinansa aron himoong parking fee pila na ka tuig ang nakalabay.
Wala na sab maghatag og pamahayag si Abude kon pila ka porsento sa mga sakyanan ang namultahan tungod sa paglapas sa traffic rules sa siyudad.
RadyoMaN Joel Viray
