Davao City – Gihitsas na daan karon sa City Transport and Traffic Management Office ang plano sa dagan sa trapiko alang sa taliabot nga kadawayan festival sa dakbayan sa dabaw karong tuiga.
Suma ni CTTMO Head Dionesio Abude nga ila na karon gisugdan ang paglusad og inventory sa mga gamit nga magamit sa kadayawan sa sunod buwan.
Segun ni Abude nga prayoridad nila ang hapsay sa dagan sa trapiko ug kaluwasan sa tanan niining tinuig ug labing pinakadako nga selebrasyon sa kadayawan festival sa dakbayan nga musipa sa unang semana sa Agosto.
Giprepara na sab pa ang kapin 300 ka traffic enforcers alang sa deployment sa mga nag-unang kadalanan aron mintinaron ang trapiko.
Kadaghanan matud pa sa mga personahe sa CTTMO gikatag sa dagko nga mga aktibidad sama sa IndakIndak sa Kadayawan ug Pamulak sa Kadayawan karong Agosto 18 ug 19 ug uban pang kalingawan.
Nahiabolan, muabot sa kapin 40 milyones ka pesos ang gigahin nga pundo sa Kadayawan Festival karong tuiga diin ang lokal nga kagamhanan muhatag og 12 milyones ka pesos samtang ang 32 milyones ka pesos ipabaga sa pribadong partner.
RadyoMaN Joel Viray
