CTTMO nanakop na gamit ang high-tech speed gun

Davao City – Nagsugod na og panakop ang City Transport and Traffic Management Office (CTTMO) ug DCPO Traffic Enforcement Unit gamit ang bag-o ug high-tech nga speed guns.

Sumala ni CTTMO Chief Dionisio Abude atol sa interview sa DXDC RMN Davao, ang maong speed gun makuhaan og hulagway ang mga sakyanan ug ma-printa sa resibo ang mga violation niini sa speed limit.

Marehistro sa bag-ong speed gun ang kakusog sa dagan sa sakyanan, speed limit sa lugar, distansya, petsa, traffic operator ug lokasyon.


Pinaagi niini malikayan usab ang reklamo nga dili mao nga sakyanan ang na-flag down tungod sa overspeeding.

“Gi-enforce nato ni para sa safety sa mga drivers aron dili sila maka disgrasya. Proteksyon ni dili lang sa mga drivers, no need na unta ni atong speed gun kung naa lang disiplina ang atong mga drivers,” segun ni Abude.

Magsabot ug magpulihanay ang CTTMO ug Trafficr Group sa mga areas sa pagpanakop sa mga malapason gamit ang bag-ong kahimanan.

RadyoMaN Aimee Guinita

Facebook Comments