Sa interbyu sa DXDC RMN Davao kang Bonifacio Capricho, Chief of Operations, gisulti niini nga ilawom sa bag-ong speed limit, ang South bound area gikan sa Ulas padulong sa Calinan District mahimo nang 80 kph ang gikusgon, gikan sa Toril padulong sa Digos City 80 kph samtang ang North bound area gikan sa Barangay Panacan padulong aa Barangay Bunawan ubos sa 80 kph speed samtang ang Downtown Area magpabilin sa 40 kph speed limit.
Kahinumdoman nga malampusong nakalabang sa ikatulo ug katapusang pagbasa sa Konseho ang bag-ong speed limit regulation tumong aron ma-address ang mga insidenteng road crash ilabi na kadtong nikalas og daghang kinabuhi.
Ning bag-o lamang, gipagula usab sa DCPO Traffic Enforcement Unit (TEU) ang findings nga 99% sa disgrasya sa kalsada bunga sa ‘human error’ kun sayop sa driver gisundan sa vehicle defect ingon man road defect.
Ang breakthrough legislation giduso ni First District City Councilor Atty. Luna Acosta,kansang tumong mao ang pagbutang og klarong mekanismo ingon man regulasyon alang sa kaluwasan sa mga motorista ug sa commuting public.
RadyoMaN Don Pulayao
