Davao City – Nagpasidaan ang City Traffic and Transport Management Office (CTTMO) sa mga riding public nga dili musakay og mga payong-payong sa mga highways.
Segun ni Bonifacio Eddie Capricho, ang Chief of Operations sa CTTMO, nga peligroso kini alang mga pasahero nga sakay sa maong mga payong-payong, tricycle o mga pedicabs ilabi na mga dagkong trucks ug mga behikulo ang pwedeng makasugat sa mga national highways.
“Kung gusto mo musakay didto gyod mo sa mga safety nga mga sakyanan pareho nga anang mga PUJs nga naay mga ruta nga ginaagian kay kasagaran man gud nga mga payong-payong ug mga tricykel nga muagi sa highway kusog man gud ilang padagan delikado sa ilang part, pwede sila musakay pero didto sa mga interior lang kay didto lang mana gina-allowed ang mga trisikel,” matud ni Capricho.
Kagahapong adlawa 19 ka mga payong-payong ang gipangdakop nga nagbyahe sa highways atol sa operasyon sa CTTMO sa Ulas, Mintal, Calinan ug Toril.
“Halos kada adlawa na gyod mi naga operate tungod sa mga panghitabo nga daghan na kaayo ang mga nanga-fatal. Ang among gipangdakop naa diha sa opisina amo ng gipang-impound unya dili namo na ma-release hangtod ang ilahang mga sakyanan nga wala gayoy rehistro nga with sidecar, i-detach gyod namo na,” sumala ni Capricho.
RadyoMaN Aimee Guinita
