Davao City – Mireklamo sa Tugbok PNP ang usa ka Melchor Gunanyan, 37-anyos, manager sa usa ka credit corporation, mahitungod sa ilang collector nga si Gary Gerolaga, hamtong ang pangedron ug residente sa Santan, Brgy. Mintal ning siyudad human nga wala niini giremit matud pa ang iyang nakolekta nga P76,000 kantidad sa salapi.
Subay sa report nga gisurpresa sa complainant ang iyang mga kliyente atong adlaw’ng Miyerkules bandang alas-10:00 sa kabuntagon ug nasayran nga nakabayad na kini sa ilang mga obligasyon.
Gikompronta gilayon sa complainant ang respondent ug ni-angkon nga nagamit niini ang kwarta sa iyang mga bisyo sama sa inum ug sugal.
Sa kasamatangan gi-atiman na una ang kaso ug ginahulat kun pursegido ba nga mupasaka og kaso ang complainant aron maaresto gilayon ang maong suspetsado.
RadyoMaN Paul Canono
