Sa interbyu sa DXDC RMN Davao kang Alfredo Tamayo CTTMO Assistant Traffic Operation Officer, bisan og wala pa silay nadawat nga pinal sa pag-sira sa karsada, plano nang sirad-an ang kanto C.M. Recto, Rizal-Bolton, Ponciano-Rizal, Anda-Rizal, Anda-Magallanes ug Pichon- Bolton.
Gipasabot ni Tamayo, adunay initial o posibleng re-routing nga ipatuman sa mga mo-agi sa San Pedro Street gikan sa Trading Boulevard o San Pedro Extension moliko patuo padulong sa C.M. Recto, moliko pawala padulong na sa Rizal St.,sa mga mobalik San Pedro Street mamahimong moagi sa Pilayo Street.
“Sa kanunay ang among hangyo lang nga mo cooperate lang gyud sila musobay lang sila kung unsa ang mga gipatuman nga closure ug sundon lang nato para hapsay ang mga activities nga pagabuhaton diha,” segun ni Tamayo.
RadyoMaN Don Pulayao
