Sa interbyu sa DXDC RMN Davao kang Arnel Dulay, radio operator sa Davao City Transport and Traffic Management Office (CTTMO), iyang gisuti nga susama ra ang ruta kaniadto, diin ginagamit nga area ang dalang San Pedro asa usab ipatuman ang road closures.
Matud ni Arnel Dulay, dugang personahe ang ipakatag aron masigurado nga ma-manage ang dagan sa trapiko atol sa mga dagkong aktibidad.
“Naa nay gi-prepare namo nga augmentation of personnel para mag-assist sa flow sa traffic outside sa vicinity sa atoang event kay lagmit kining mga sakyanan sa mga dug-ol nga mga street didto man gyud (kay) naa man gyud ‘tay mga closed road ani,” matud ni Dulay.
Himuon ang Indak-Indak sa Kadayawan sa Agosto 19, 2023 San Pedro Square gikan 2:00PM-8:00PM samtang sa Agosto 20, 2023 mao ang Pamulak ug Hudyaka sa Kadayawan gikan 8:00AM-12:00NN sa Roxas padulong na sa San Pedro Square.
RadyoMaN Kirby Manzon
