Davao City – Pakyas nga makalusot sa Task Force (TF) Davao checkpoint sa Lasang, Davao City ang usa ka lalaki human kini nagdala og iligal nga droga alas 5:30 sa buntag, Agosto 11, 2023.
Sa pakighinabi sa DXDC RMN Davao kang Police Major Robel Saavedra, Station Commander sa Bunawan Police Station, iyang giila ang dinakpan nga si Velnoie Gaviño Gado, 33 anyos, residente sa Magugpo Poblacion, Tagum City, Davao del Norte.
Nakuha sa posisyon sa suspect ang 1.5 gramos sa gituohang shabu nga mukantidad og kapin P10,000.
Kasong paglapas sa Republic Act 9165 kun Comprehensive Dangerous Drugs Act of 2002 ang atubangon sa dinakpan.
Padayong nagpahimangno ang awtoridad sa publiko nga likayan ang iligal nga binuhatan ilabi na gyud ang iligal nga droga.
RadyoMaN Kirby Manzon
Facebook Comments
