Davao City – Magpatuman ang City Transport and Traffic Management Office og road clearing operations atol sa Parada Davaoeño karong Marso 16.
Giabisuhan ni CTTMO Chief Dionisio Abude ang publiko nga kinahanglan wala nay mga sakyanan ang nakaharang sugod karong Marso 15 sa gabie partikular na sa ruta nga agian sa parada, ang Roxas Avenue, CM Recto Avenue, Bonifacio St., Pelayo St. padulong dalang San Pedro.
“Kung anaay maabtan sa atong clearing operations atol sa parada mapugos gyod ta’g towing ana,” sumala ni Abude.
Sumala ni Abude mga 230 ka mga CTTMO enforcers, 150 gikan sa Traffic Community Network (TrafCoN) lakip na mga personahe gikan sa DCPO, Task Force Davao ug uban mga security units ang ipang-deploy sa mga kadalanan.
Kapin 300 ka mga partisipante ang musalmot sa parada karong Biyernes.
RadyoMaN Aimee Guinita
