Davao City – Ang pagdagsa sa Public Utility Jeepney kun PUJ dili lang problema sa trapiko apan hinungdan sa pagguba sa atong ozone layers, pagdaghan sa sakit sa lungs nunot sa ginabuga nga carbon dioxide.
Ang mga eksperto sa ekonomiya nagsulti nga gumikan sa dakong suliran sa trapiko binilyon ka pesos ang nawala sa ekonomiya sa Pilipinas matag adlaw.
Busa panahon na kuno wagtangon ang mga PUJ sa mga kadalan aron makunhuran ang carbon dioxide ug maprotekhan ang kinaiyahan, panglawas sa mga tawo ug ang ekonomiya sa atong nasud.
Suportado ni City Transport Traffic Management Office Chief Dionesio Abude ang gi-asdang sa gobyerno nga transportation modernization program nga sugdan sa enero sunod tuig.
Sa pangagpas ni Abude, dili pa andam ang siyudad sa dabaw alang sa moderno nga bus diin naglikay una ang opisyall sa pagkumento sa bahad ni Presidente Rodrigo Duterte nga dakpon ug bakwian og prangki-sa ang mga drivers ug mga operators nga musungag sa modernization program sugod sunod tuig.
Apan gipaniguro ni Abude nga andam sa tanang panahon ang CTTMO sa pagresponde ugali tinud-on sa Transmission Piston ang ilang panganti nga matag bulan sila magtransport strike kun tam-an gyod sila sa plano sa gobyerno.
Nagdumili na og pagtubag ang hepe sa CTTMO kun dapat lang ba makigpulong ug makig-istorya si PRRD sa Transmission Piston aron husayon ang ilang wala pag-uyonay sa sistema sa modernization program sa pampublikong panakayan.
RadyoMan Joel Viray
