Davao city – Gitambagan karon sa Davao City Transport and Traffic Management Office ang mga motorista nga likayan una ang pag-agi gikan Panacan paliko sa C.P Garcia National Highway kun Diversion Road gumikan sa nasinati nga kaguot sa dagan sa trapiko karong orasa.
Sumala sa CTTMO radio operator nga ang mga motorista nga gikan sa Panabo City area pwede muagi og shortcut nga lusot sa Cabantian lahos sa kanto Milan aron dili makulgot sa kaguot sa trapiko sa nasangpit nga lugar.
Makita sa monitoring sa CTTMO nga hinay ang aginod sa mga behikulo karon gumikan sa dagko nga mga truck migawas gikan kanto Panacan paingon sa Diversion Road nga nagsugod alas 9:00 kaganinang buntag human sa truck ban.
Samtang bumper to bumper sab ang Sasa area paingon sa Agdao area ug kanto paingon sa Lanang Area hangtud Bajada area ug guot usab ang dagan trapiko sa may Boulevard area.
Hinoon dili kaayo tanto bug-at ang trapiko sa mga lugar sa Matina, Magallanes, San Pedro, Claveria, J.P Laurel, Magsaysay Avenue, lahos na sa Bangoy Avenue.
RadyoMaN Joel Viray
