CTTMO: Walay face shield i-endorso sa PNP

Davao City – Diretsong i-endorso sa City Transport and Traffic Management Office (CTTMO) ngadto sa kapulisan ang mga pakyas nga magsul-ob og face shield sugod sa Agosto 15, 2020 isip mandatory requirement subay sa memorandum nga gipagula sa Department of Transportation (DOTr).

Sa interbyu sa DXDC RMN Davao kang Michael Cainglet, CTTMO Staff, gibutyag niini nga ang kapulisan ang manguna sa implementasyon mientras ang CTTMO maoy manguna sa pagpahinumdom sa publiko sa pagsul-ob sa face shield partikular na sa mga Public Utility Vehicles (PUVs) isip dugang proteksyon batok sa Coronavirus Disease 2019 (COVID-19).

“By (August) 15, kung naa mi makita na wala naga face shield or face mask, ang advice diri sa amoa is i-turn over namo sa police station ‘tong… (mga violators),” saysay ni Cainglet.


Nasayran nga gawas sa mga pasahero, lakip nga magsul-ob og face shield ang driver ug conductor sa PUVs subay sa rekomendasyon sa Department of Health (DOH) ug sul-obon kadtong full face shield aron masigurong protektado ang tibuok nawong sa matag indibidwal.

RadyoMaN Kirby Manzon

Facebook Comments