Hay utiliza asegun na enforzada del ordinansa y trapico el cuatro mga L300 van que ya fuede obtene desdel DILG por el uso del govierno local. Asegun con el Assistant City Administrator Ceasar Raz na entrevista del RMN enantes aga, el mga vehiculo grande ayuda por el grupo del Task Force Ordinance y Traffic Management Unit del goveirno local para fuede sila mobiliza embuenamente y implementa el mga ordinansa que viene. El fondo para cumpra el cuatro mga vehiculo ya sale desdel P3.4 milyones incentive del govierno local desdel DILG por el 2015 Performance Challenge Fund que ya man award na govierno local de Zamboanga. Si Raz ya abla cay admitido que falta sila personajes y mobilidad na diila trabajo pero ta hace sila asegun todol esfuerzo para fuede lang mejora el diila mga trabajo. El Traffic Management ya pidi tambien con el aldalde Beng Climaco para omenta con el numero del diila mga enforcers con quien hay designa na mga camino para maneja con el condiccion del trapico y enforza mga leyes cumbiene. – Bhong Simbajon/RMN News
