Hay principia ya cuji el gma personajes del policia y Traffic Enforcement Management Unit con el mga motorista quien hayviola con el poliza del “No Parking” na ambos lao del mga camino na mga highway del pueblo.
Na entervista del RMN Zamboanga enantes aga, el portavos del policia local Chief Inspector Shellamie Chang ya revela cay sin consideracion el implementaccion del “No Parking” y masquin quien de privado man o de goveirno motorista con quien alcansa ta viola coneste hay man issue sila Temporary Operators Permit (TOP) como pena.
Asegun con Chang que strictamente sila coneste implementa y el combinao fuerza del policia, govierno local, LTFRB,LTO y Highway Patrol hay man ayudahan para implementa coneste.
Na manera del implementaccion, hay conduci sila el se llama “No Contact Policy” para evita el confrontaccion entrel mga motorista y mga personajes quien ta implementa coneste poliza.
Ta dale aviso el policia contodol mga motorista para sigui coneste reglamento para evita el cujida canila del otoridad concierne. – *Bhong Simbajon/RMN News*
