Maga pulis del Central Police Station na encabesamienti del jefe si Major Elmer Solon y si Lt. Royland Cordero ya puede ya aresta con el suspechao na matansa del un customer del motel.
Con el suspechao ya conose como si Haider Salapuddin, 47, de Baliwasan Tabuk.
Si Salapuddin amo el suspechao na brutal matansa di Benjamin Cerna y Apolinario na Bulls Eye del Agosto 22.
Si ta acorda, pasada alas 5 del tarde del Agosto 22 yan checked in na room 4, del Bulls Eye.
Nohay tarda, tiene un hombre muntao na tricycle ya llega y ya entra na cuarto Di Cerna.
Alas 8 del noche yan extend su hora de estar si Cerna.
Pero pasada alas 10 del noche ya descubri ya lang con Cerna muerto ya este sin camisa y lleno ya de lanciada el cuerpo.
Mientras el hombre perdido ya tambien.
Ya sale tambien perdido el cuantos cosas Di Cerna inclujido ya el cellphone.
Na investigacion ta aparese ta insiña con Salapuddin el maga ebidencia hasta ya resulta na su aresto.
Ya puede tambien recobri el cellphone Di Cerna na possession Di Salapuddin.
