CAUAYAN CITY – Nagsagawa ng culminating activity ang Police Regional Office 2 (PRO 2) para sa pagtatapos ng selebrasyon ng 29th Police Community Relations Month nito lamang ika-31 ng Hulyo na ginanap sa PRO2 Grandstand.
Ginawaran ng Plaque of Recognition at Medalya ng Kasanayan ang ilang miyembro ng Gallant Valley Cops dahil sa kanilang mga nagawa at tagumpay sa kanilang tungkulin.
Maliban dito, nabigyan din ng pagkilala ang mga LGUs, Regional Government Agencies, non-government organizations at iba pang ahensya na patuloy ang suportang ibinibigay sa PRO2.
Samanatala, iba’t-ibang aktibidad naman ang naging tampok sa naturang selebrasyon kabilang na ang PNP Family Day kung saan nagkaroon ng medical at dental check-ups, caravan para sa License to Own and Possess Firearms and Firearm Registration Processing, legal service counseling, at iba pang serbisyo mula sa iba’t-ibang ahensya ng pamahalaan.
Ang tema ng Police Community Relations Month ngayong taon ay “Ligtas ka sa Bagong Pilipinas”.
