General Santos City–Dili na mahinayon ang culmination day sa Hamungaya Festival sa Isulan, Sultan Kudarat karong adlawa. kini ang gikumperma ni Isulan Mayor Marites Pallasigue atol sa pakighinabi kaniya sa RMN Gensan news team.
Sumala niini nga ila nalang karon i-prayoridad ang paghatag ug tabang sa mga nabiktima sa pagbusikad sa bomba.
Nasayran nga kini ang nadesisyon nila atol sa gihimong Municipal Peace and Order Council Meeting nga gipahigayon kagahapon sa buntag sa municipal hall sa Isulan uban si Mayor Pallasigue, PNP, AFP ug ang Municipal Disaster Risk Reduction and management Council.
Samtang gibutyag sa mayor nga siya kampante nga walay kakulangan ang PNP ug ang Militar sa nahitabong pagbusikad gumikan iya mang nakit-an nga triple gyud ang gipatumang seguridad ug naatlan lang nga sila nalutsan sa mga dautang elemento.
