Davao City – Nanawagan ang Davao City Overland Transport Terminal (DCOTT) sa Davaoeños nga padayong suportahan ang Culture of Security campaign sa City Government of Davao, human sa natigayong managlahing pagpamomba sa Koronadal City ug Tacurong City, South Cotabato kagahapong adlawa (Mayo 26, 2022).
Panawagan ni Aiza Usop, manager sa DCOTT, ngadto sa mga pasahero nga mag-igmat kanunay ug i-report sa awtoridad ang mga kadudahang tawo o butang sa palibot aron kini gilayong maaksyonan.
“Kung kamo adunay mamatikdan sa inyohang tapad diha sa pagsakay ninyo, or mga bagahe nga biglang ibilin nga wala mo kabalo kung naay tag-iya or gibiyaan ba sa tag-iya, ura-urada mismo kita musumbong diha sa atong mga security guard,” panawagan ni Usop.
Sulod sa terminal, gisiguro usab sa DCOTT management nga walay makasulod nga mga gidili nga butang ug pagsigurong maayo ug luwas ang pagbiyahe sa mga sakyanan pagawas ug pasulod sa syudad sa Davao
RadyoMaN Kirby Manzon
Facebook Comments
