Davao City – Suportado sa Task Force Davao ang desisyon sa lokal nga panggamhanan panahon nga hingpit nang wagtangon ang Martial Law sa syudad sa Davao.
Sumala ni Task Force Davao commander Col. Consolito Yecla, wala pa nakonsulta ang Task Force labot sa planong lakang sa Davao LGU apan kung madesisyonan man ang hingpit pagwala suportado kini nila.
“When mayor says na pwede na i-lift ang Martial Law, that time we can say that culture of security is increasing,” segun ni Yecla.
Subay niini, plano karon sa commander nga iduso ang usa ka ordinansa labot sa pagpahalapad sa ‘culture of security’ ilabi na sa tulunghaan, kabarangayan ug ubang lugar nga sagad ginaadtoan sa publiko.
Gipaniguro ni Yecla nga kung ma-institusyonalisar kini, mamahimong long term ug mas kumprehensibo ang seguridad sa Davao bisan pa man wala nay Martial Law.
“It should not be the soldiers who would tell kung ready na ba tayo… Ibalik dapat sa tao kung na internalize na ang culture of security,” saysay niini.
Sa maong ordinansa, planong palapdan og edukar ang katawhan labot sa ‘culture of security’ diha sa mga barangay, malls, sinehan, airports, seaports, panahon kung dunay dagkong patigayon, hotels, simabahan o mosque, security agency ingon man ang AFP-PNP units sa ilang mga areas of responsibility.
Agi’g suporta sa TF-Davao, i-apil sa Davao City Police Office (DCPO) ang ‘culture of security’ orientation panahon sa pagpatuman sa Oplan Kalinaw sa matag barangay.
RadyoMaN Jason Amisola
