ILOILO CITY – Mas pasangkaron pa sang Task Force on Moral Values ang lecture forum sa kabarangayan sang siyudad agud ipahibalo sa mga pumuluyo ang ginapatuman nga curfew for minors.
Ini ang pahayag ni Mr. Jorge Duron, ang head sang nasambit nga task force matapos naglab-ot sa 561 ka mga minors ang ila nadakpan humalin sang Marso tubtub Agosto sini nga tuig ko sa diin walo sa mga ini maka-tatlo ka beses na nga nadakpan.
Bangud sini, ginpahayag ni Duron nga ila pasakaan na sang kaso ang ginikanan sang walo ka mga minors agud ma-discourage ang mga kabataan nga maglagaw pa sa dis-oras sang kagab-ihon.
Gindugang pa ni Duron nga sa paghiwat sang lecture forum sa kabarangayan, maengganyo man ang mga barangay officials kag mga tanod sa pagpatuman sang kaugalingon nga kampanya sa curfew.
