Mas pahugtan pa karon pag ayo sa kapulisan ang ilang pag monitor diha sa mga kalsada aron bantayan ang mga tawo nga maglaroy-laroy panahon sa curfew.
Dinhi sa probinsya sa Zamboanga del norte, gimanduan ang tanang mga lungsod sa pag imposar sa curfew sa ilang mga nasakupan aron magpabilin ang katawhan sa ilang tagsa-tagsa ka mga panimalay.
Una nang gibutyag ni PNP chief Gen. Archie Gamboa, padaghanon ang mga pulis diha sa mga kadalanan aron maoy mositar sa mga malapason sa balaod.
Si Zamboanga del norte provincial director Ronald Briones, namahayag usab nga dili nila tugutan ang mga tawo ng malapason sa balaod ug andam sila nga mopasaka ug kaso kung gikinahanglan.
Ang gihangyo karon sa kapulisan ngadto sa katawhan mao lamang ang kooperasyon isip tubag na usab nga mapugngan ang padayong pagkuyanap sa gikalisangang Covid-19.
