Davao City-Gireklamo sa usa ka waitress ug Guest Relation Officer (GRO) ug ang manager niini sa usa ka KTV Bar, ang usa ka customer nga nagwild ug gipakaulawan sila sa daghang tawo human gibalibaran sa pagsilbi sa ilimnung makahubog ug buot nga makighilawas sa GRO.
Sumala sa sumbong sa usa ka alias Kristel, 22 anyos, dalaga, waitress ug ang iyang manager nga si alias Vergie sa kapolisan sa Talomo, ilang gibalibaran sa pagsilbi ug ilimnong makahubog ang suspetsado nga giilang si Alias Boboy tungod kay milapas na kini sa oras nga gitugot sa balaud hinoon gidawat sa suspect ang maong balibad, apan mihangyo na lamang kini nga makighilawas kang Kristel. Sa dihang wala misugot ang dalaga tungod kay dunay gibati sa lawas, nasuko ang suspetsado ug nagwild pinaagi sa pagsiyagit-siyagit atubangan sa daghang mga tawo.
Ang gikasuko usab ni Vergie kay gi-siyagitan silang duha nga nagkanayon, “ ikaw ( Kristel) ug imong manager (Vergie) dunay sakit nga makatakod!”, hinungdang mibati sila ug dakong kaulaw kay nainsulto ang ilang pagkatawo ug ilang gireklamo sa kapolisan ang suspetsado ug gilayong gi-aresto ug sa Talomo Police Station.
Kasamang Erin Lumosbog
