Davao City – Ebidensiya kun pagpamatuod ug dili pulos tumo-tumo, haka-haka ug alegasyon lamang, dili usab propaganda apan pruweba nga aduna gayuy salimpangkong nga nahitabo.
Bottomline reaction kini sa mga yanong lungsuranon ingon man mga resource panelists sa dihang atol gipangutana sa programang ‘Straight to the Point’ kun motoo ba sila sa alegasyon nga adunay gitawag nga ‘Davao Group’ nga nagmaneho sa ‘tara’ kun suborno gitawag usab nga ‘enrolment fee’ haron makalusot ang mga kontrabando sama sa droga, imported rice, chop chop vehicles, used clothings kun ‘ukay-ukay’ ug uban pang general merchandise diha sa Bureau of Customs sa nasud.
Sa atong STP Q & A, gitampo ni Prof. Ramon Casiple, executive director sa think tank group nga Institute for Political and Electoral Reforms (IPER) ang personal niyang panglantaw nga dili kita basta-basta motoo sa manggawas nga mga balita.
Si Casiple nag-ingon nga sayon lamang ang pagpabuhagay sa akusasyon sundan gilayon sa imbestigasyun pananglit kanang ni-arangkada na karon sa nataran sa Senado.
Hinonoa, angay natong i-sentro ang focus dili lamang sa alegasyon, tubag ug kontra-akusasyon apan kun aduna bay malauman nato nga mas undanon ug bililhon nga kausaban o reporma sa mga sistema o proseso sama sa gikwestion nga kalihukan sa buro sa adwana.
Si Casiple nagkanayun nga dili sufisyente ang pagpanguykoy sa mga legislators ilabi na niadtong identified sa bando sa political opposition, gani di lamang kita kutob sa pag-usab sa mga tawong nadestino sa customs apan diha sa pagsuta kun ang tanan bang mga regulasyon o proseso sa hustong pamalakad nasunod in toto.
Sa kabahin sa mga ordinaryong listeners, sila nagtuo nga ang istoryang subornohay sa customs pulos anaa pa man sa natad sa alegasyon diin posibleng gigamit lamang sa mga kaaway sa administrasyon aron palup-ogon ang naulahi sa nahimutangan ug ipuli ang ilang magawngan nga tawo.
Ugmang adlawa, gilauman nga mas molutaw pa ang daghang kasayuran sa alleged ‘tara’ o payola binuhat sa mga smugglers sa pakigkomboya sa mga scalawags sulod mismo sa buro sa dihang ablihan sa Senate Public Order Committee ubos kang Sen. Panfilo ‘Ping’ Lacson ang lain pang imbestigasyon.
Karong adlawa, gipamahayag usab sa palasyo sa Malacañang pinaagi kang Presidential Spokesperson Ernie Abella nga sa ngalan sa kaangayan, angay usab susihon pag-ayo sa mga magbabalaud ang aspetong kredibilidad sa usaka Mark Taguba, ang gitumbok nga broker nga ni-angkon nga siya maoy nagbanda ug talay ngadto sa ilang mga conspirators diin nadalahig gani ang pangalan sa duha ka mga dagkung opisyales sa syudad, sila si Davao City Vice-Mayor Paolo ‘Pulong’ Duterte ug City Councilor Nilo ‘Small’ Abellera, Jr.
Kasamang June Duterte
