Cyber patrolling gipakusgan, mag-post og ‘fake news’ gukdon sa PNP

Davao City – Gukdon sa kapulisan ang mga fake news peddlers diha sa social media.

Gibutyag ni Police Regional Office (PRO) XI spokesperson Police Major Eudisan Gultiano, nagpakanaog og kamanduan si Regional Director PBGEN Benjamin Silo Jr., nga pangkasuhan kini.

Gipakusgan karon sa Anti-Cybercribe Unit sa PRO XI ang cyber patrolling subay sa sagunson nga mga sayup nga inpormasyong nikuyanap sa social media sa giingong mga robbery ug kidnapping incidents.

“I hope this will serve as a warning to others nga ga-post og fake news sa ilahang social media account, ang ating Cybercrime Unit ay nagsasagawa ng patrolling. Iyong mga nagpo-post pa rin ng fake news antayin niyo lang po at we will be conducting an investigation, kapag hindi ho kayo tumigil at hindi nyo iyan nate-take down makikita po iyan ng ating Cybercrime Unit,” matud ni Gultiano.

Nagpasidaan ang kapulisan ngadto sa mga padayong nag-post og fake news nga mag-atubang kini’g silot subay usab sa panawagan sa mga netizens nga mamahimong responsable sa social media ug dili magpataka og post ilabina nga makaapekto sa kalinaw sa syudad.

Kung adunay mga suspisyusong aktibidad o mga tawo, giawhag sa PNP nga i-report gilayon kini aron maaksyunan.

RadyoMaN Aimee Guinita

Facebook Comments