Covid-19 cases sa mga mall sa Davao nitaas

44
Davao City – Gibutyag sa Davao City Coronavirus Disease 2019 (COVID-19) Task Force nga adunay pagtaas sa kaso sa COVID-19 sa mga mall sa syudad sa Davao.

Matud ni Dr. Michelle Schlosser, tigpamaba sa Davao City COVID-19 Task Force (sa interbyu sa city-owned radio), ang mga kaso wala natala sa mga empleyado sa mall kun dili sa mga customers.

Kini ang rason nga padayon ang panawagan sa health official sa publiko nga estriktong sundon ang ginapatumang minimum public health standards batok COVID-19 ilabina ang pagsuot og face mask ug labaw sa tanan aron maproteksyonan ang kaugalingon ang importante magpabakuna.

“Fake mask man gyud and hygiene ang maka-protect sa transmission. So, when you’re in a mall or you’re in a places or establishments nga naay mga gatherings, daghan ang mga tao, please do not remove your mask. Wear it all the time,” sulti ni Schlosser.

Dugang sa health official, nasayud na usab ang mga establisemento kung unsaon i-handle ang mga kaso sa COVID-19 sama sa contact tracing ug uban pang COVID-19 strategies.

RadyoMaN Kirby Manzon

Facebook Comments