Gi- rescue sa National Bureau of Investigation – Iligan District Office ug sa City Social Welfare and Development Office, niadtong Sabado, ang tulo ka mga batan-on, diin ang duha kanila nagpangidaron og 17 samtang ang usa 13, human gikumpirma sa usa kanila nga siya ang anaa sa sex video pares ang bana sa iyang ayaan.
Mismong ang apuhan sa 17 anyos nga si alyas Pia ang mikumpirma nga iyang apo ang anaa sa maong video, nga gikakurat sa apuhan ang istilo sa pagpangita’g kwarta sa iyang apo nga mao pay pag-gradwar sa high school.
Ibaligya kini sa suspetsadong si Cheryl Sabate, 38 anyos, adunay upat ka mga anak babaye, taga- Saray, ning dakbayan, ngadto sa usa ka langyaw nga iyang na-ila upat ka tuig na ang nakalabay.
Kauban ni Sabate nga gi-aresto ang maglive-in partner nga sila si Erwin Jay Lucot, 25, ug Mary Jane Nunog, 22, human masayran nga kauban silang duha sa pagbuhat og sex video isip mga actors.
Sa usa ka sex video nga nakuha sa NBI, makit-an nga pares ni Lucot ang 17 anyos nga si Pia, kinsa pag-umangkon sa iyang kapuyo.
Saysay ni Pia, ipa-hilawas silang duha ni Lucot samtang kuhaan og video sa iyahang ayaan. Hatagan si Pia og dos mil (2,000) pesos samtang tres mil ang bayad sa mag live-in partner.
Nahitabo kini dihang nangita na’g laing babaye ang foriegner nga ipares kang Lucot.
Unang mga sex video nga ibaligya ni Sabate mao ang ilaha ni Ronald ug sa iyang live-in partner isip mga aktor, sa kantidad nga tres mil pesos.
Giangkon sa inahan nga lakip nga nagamit na usab niya ang iyang 17 ug 13 anyos nga mga anak sa sex videos.
Miingon si Atty. Jam Dimaporo, hepe sa NBI – Iligan nga una nang gi-angkon ni Lucot ug sa iyang kapuyo nga sila ang anaa sa sex video ug kauban sa pagbuhat sa uban pa’ng video, dihang gi-imbita kini diha sa ilang buhatan.
Kini usab ang hinungdan nga wala na nila gibuhian.
Gitudlo sa mag live-in partner si Sabate nga maoy tigbaligya sa maong mga sex videos ngadto sa usa ka langyaw sa kantidad nga dili mo- ubos sa singko mil (5,000) pesos, pinakadakung kantidad, 20,000 pesos.
Mga resibo sa money transfer ang nakuha gikan kang Sabate. Usa ka Robert J. Little ang tigpadala kaniya.
Depensa sa suspek, sustento kaniya sa langyaw ang maong kwarta.
Apan bisan paman sa maong rason, mga kasong paglapas sa Republic Act (RA) 10364 o Human Trafficking Act, RA 9775 o Child Pornography, RA 9995 ug ang paglapas sa Special Protection for Children Law.
