General Santos City— Pormal ng nagsugod ang 19th National Tuna Congress kung asa kini ang gipangunahan ni Department of Agriculture Secretary Manny Piñol, ingon man GenSan City Mayor Ronnel C. Rivera, SFFAII President Joacquin Lu. Gitambungan usab kini sa tanang mga Regional Director sa Department of Agriculture.
Kini gipahigayon sulod sa usa ka dakong mall ning dakbayan kung asa mukabat sa 150 booth ang nagpahigayon ug exhibit pinaagi sa pagpakita sa ilahang mga produkto.
Ang National Tuna Congress ang tinuig nga aktibidad alayon sa Tuna festival sa dakbayan kung asa ubay-ubay nga mga bisita gikan sa managlahing parte sa nasud ingon man mga opisyal sa mga kasikbit nasud sama sa Indonesia.
Tumong sa maong aktibidad mao ang mahisgutan ang mga angayan pang himuon aron nga mas mapalambo pa ang industriya sa tuna ug kung unsaon nga masustain ang produkto sa tuna.
