Davao City – Kinsa kaha ang palaran nga mamahimong Grand Prize winner kun mananaug karong adlawa sa pinaka gikahinam-hinaman sa tanang mga taga-Davao ingon man Region XI nga pinakadaku ug pinakabongga nga on-air radio promo sa RMN Networks?
Karon pa lamang, excited na ang mga listeners sa RMN DXDC 621 Davao sa ipahigayon nga Grand Draw sa Radyo Milyonaryo Nationwide 2017 radio promo diin himoon kini didtong dapita sa SM City sa Bicutan alas-3:00 sa kahaponon ngadto sa alas-7:00 sa kagabhi-on.
Unang ipahigayon ang regional draw segment diin tulo ka mga lucky winners bunoton gikan sa Luzon, Visayas ug dinhi sa Mindanao kinsa makadawat sa ganting salapi nga tag-P100,000 kada usa.
Sundan kini sa raffle draw alang sa 20 ka mga palarang modawat ug tag-P1,000 kada usa sundan gilayon sa pagpili sa lima ka mananaug alang sa tag-P10,000 each ingon man sa raffling alang sa duha ka entries nga modaug ug P25,000 matag usa.
Siyempre, pinaka kulba-hinam nga porsyon sa finale event unya mao ang pag-anunsyo kun kinsa ang mamahimong Grand Prize Winner nga mo-uli nga mag-drive sa brand new ug sinaw-sinaw pa kaayong Chevrolet Trailblazer.
Kahinumdoman nga sa nanglabay’ng edisyon ning pinaka engrandeng radio promo, ubay-ubay na nga taga Davao ug Mindanao nilampos pagdaug sa nagkadaiyang mga papremyo ug mga espesyal nga ganti.
Kining maong on-air activity gipaluyuhan sa mosunod: Green Cross Soap, Tang, Bear Brand Powdered Milk Drink, Milo Choco Malt Powdered Milk Drink, San Miguel Pale Pilsen, God Eagle Beer, Petron (Fuel, Engine Oil and Gasul), Bravo Dietary Food Supplement for Men ug Scratch It.
Kasamang June Duterte
