May gin-alokar na kada banwa sang South Cotabato ang Department of Agriculture ukon DA 12 sa ihatag nga registered seeds para sa mga mangunguma nga apektado sang El Niño sang last quarter sang 2018 kag first quarter sang 2019.
Aminado man si South Cotabato Provincial Agriculturist Justina Navarete nga pipila sa mga mangunguma ang nakatanom naman kag indi na malagas pa ang ihatag nga binhi sang DA 12, apang suno sa iya pwede pa man ini sa masunod nga cropping.
Samtang sa bahin sang provincial government nagapadayon man suno pa ang pagpanghatag sang ila opisina sang vegetable seeds bisan may El Niño pa kag subong nga tig-ululan nagapadayon na ang “plant now pay later program” sang OPAG.
Ginkumpirmar man ni Navarete nga may plano man ang Department of Labor and Employment nga maghatag sang livelihood assistance sa mga apektado sang El Niño.
