Nangandam ang Department of Agriculture (DA Caraga) alang sa duha ka adlaw nga 4th Regional Organic Culture Conference nga ipahigayun dinhi sa dakbayan sa Butuan karong Agosto 16 hangtud 17 ning tuiga. Gibutyag ni Rebeca Atega, chief operations division sa DA Caraga, nga ang maong aktibidad pagatambongan sa tanang mga organic stakeholders, organic farmers ug mga producers sa organic products ningf rehiyon diin tumong ug tuyu aron mapahibalo sa mga katawhan ang ka-importanti sa organic farming nga programa sa DA.
Tungod niini nag-awhag ang opisyal sa tanan nga mobisita sa Doties Hotel atol sa maong adlaw aron makita ang mga produkto sa organic farming nga ibaligya’ng barato ug presko sa mga mamalitay.
Gipasigarbu sa DA anaa na sa 30% sa mga yuta nga gitikad ning rehiyon ang anaa na sa proseso sa pag-convert sa organic farming gikan sa synthetic nga paagi kaniadto. Lakip sa nisagop sa organic farming ang mga nanag-iya ug plantasyon sa lubi.
Sa tibook rehiyon sa Caraga, ang probinsya sa Surigao del Sur maoy pinaka-daku ug lugar sa umahan nga ni-adaptar sa organic farming.
Sent from my Samsung Galaxy smartphone.
