ILOILO – Liwat nga naglunsyar sang kampanya sang responsible nga pagkaon sang kan-on ang Department of Agriculture (DA).
Kabahin ini sang National Rice Awareness Month (NRAM) 2018.
Kabahin ini nga programa sa paghimakas sang pungsod nga maangkon ang rice security.
Ginasaulog ang NRAM sa tagsa ka bulan sang Nobyembre santo sa Proclaimation No. 524 series of 2004.
Sa iya mensahe gin-ganyat ni DA Regional Director Remelyn Recoter ang mga mangunguma, consumers kag media nga buligan ang pagpalapnag sang balor sang bugas bilang staple food sang mga Filipinos.
Sa tema nga “Quality rice, Quality life”, nagafocus ang NRAM sa kun paano ang mangunguma kag consumers magabuligay sa pagproduce sang de kalidad nga bugas kag malambot ang maayo nga kalidad sang kabuhi.
Nagatuyo man ini nga ma encourage ang mga mangunguma nga magprodukto sang maayo nga bugas para sa mga consumers kag mangin kabahin sang paglambot sang rice security, mapahibalo ang pagkakinahanglan sang responsible nga pagkaon sang kan-on kag mas mapalapnag pa ang kawsa sa bulig sang mga public influencers.
Photo via Be RICEponsible <www.facebook.com/RICEponsableAKO/> on FB
