DA-MRIDP: P20 kilo nga bugas posible pinaagi sa mga government subsidies

Davao City – Nakita sa mga opisyales sa Department of Agriculture’s Masagana Rice Industry Development Program (DA-MRIDP) nga mahimong matuman ang P20 matag kilo sa bugas pinaagi sa pagpadayon og hatag subsidiya sa mga rice retailers.

Subay niini, komento sa usa ka Maril Bacoy nga mu-posible ra kini kung ang abuno mubarato o ilibre sab sa gobyerno, ang mga mag-uuma igo nalang mutrabaho sa basakan nga wala’y gasto bisag piso.

Sa press conference nga gipahigayon atol sa 16th National Rice Technology Forum sa Davao del Sur niadtong September 19, gibutyag sa focal person on Productivity Enhancement nga si Dr. Frisco Malabanan, mahitabo ang gipanaad nga P20 kada kilos sa bugas kung mas pakusgan pa sa gobyerno ang mga financial assistance o ayuda.

Komento sa usa Emilio nga unsaon pagpatuman niini kung ang gasolina ug ubang palaliton nagasaka ug luoy sab matud pa ang agrikultura ug mga mag-uuma.

Hinuon, sumala sa DA-MRIDP nga ginatutukan karon sa gobyerno ang paggamit og teknolohiya sa pag-ugmad og hybrid nga mga bugas, nutrient management, pest and disease control, efficient water management aron mapalambo ang rice production sa nasud.

RadyoMan Ivy Parido