Davao City – Giklaro sa Department of Agriculture (DA) nga kadto lamang nanag-iya og mga baboy nga lakip sa depopulation tungod sa African Swine Fever (ASF) ang mabayaran kun mahatagan og ayuda gikan sa departamento.
Sa interbyu sa DXDC RMN Davao kang Noel Provido, Spokesperson sa DA-XI, gibutyag niini nga ang P5,000 nga ayuda gitagana niadtong mga hog raisers nga nabutang sa ground zero tungod sa ASF ug nalakip sa depopulation ang ilang mga binuhing baboy.
“Kadto ra gyong bayaran sa DA kadtong gi-cull niya. Naa ra pud tay culling kadtong naay ground zero. Kadtong five thousand nga indemnification is we pay for something nga nawala sa ilaha. So nawala sa ilaha, klaro man gud nga ilang baboy ang na-culled ato,” saysay ni Provido.
Nasayran nga adunay mga indibidwal gikan sa ubang rehiyon nga nalugi sa ilang negosyo sa baboy bisan og wala naapektuhan sa ASF ang ilang mismong lugar.
RadyoMaN Kirby Manzon
