Davao City – Nagpadayon karon ang information drive sa Department of Agriculture (DA)-XI sa panawagan ngadto sa hog raisers nga mag parehistro sa Philippine Crop Insurance Corporation (PCIC) tungod sa sitwasyon karon sa African Swine Fever (ASF).
Sa interbyu sa DXDC RMN Davao kang Dr. Karl Pineda, Veterinarian ug Agriculturist II sa DA-XI, gibutyag niini nga dako’g tabang ang pag parehistro sa PCIC labi na niadtong mga nagabuhi og baboy aron nga aduna gilayoy madawat nga ayuda ang nahisgutan oras nga maapektuhang ilang mga binuhing hayop sa maong balatian.
“Mag consider sila nga magpa-register sa PCIC para kadtong wala pa nangaigo (og ASF) at least somehow, ma-save pa nato, ma-insured pa nato ang ilang panginabuhian. Ilang livelihood ma-save pa nato kay kung maigo man og ASF, at least naa dayon ‘tay ayuda dayon nga makuha nila gikan sa PCIC,” saysay ni Pineda.
Matud sa DA-XI official, willing nga mutabang ang PCIC labi na niadtong hog raisers nga nawad-an na og paglaum tungod sa ASF outbreak sa nagkadaiyang probinsya dinhi sa Davao Region.
RadyoMaN Kirby Manzon
