Davao City – Dako og kahimuan ang pagdeklara ni Presidente Rodrigo Duterte og State of Calamity tungod sa sitwasyon sa African Swine Fever (ASF) outbreak sa Pilipinas pinaagi sa Proclamation No. 1143.
Sa interbyu sa DXDC RMN Davao kang Ricardo Oñate, Regional Director sa Department of Agriculture (DA)-XI, gisaysay niini nga sakto lamang ang maong lakang aron nga magamit na usab sa matag Local Government Unit (LGU) ang ilang response fund alang niini, diin nasayrang pipila usab ka lugar sa Davao Region ang naapektuhan sa ASF.
“Tamang-tama ‘yung declaration po ni kuan (Presidente Rodrigo Duterte). At least, ‘yung ating LGU makalihok napod with respect sa pag gastos bahin ani, pag-akatar sa ASF, not just the national agency but including the LGU na po,” matud ni Oñate.
Gibutyag sa DA-XI official nga sa pagkakaron, aduna na silay ginapahigayon nga repopulation program partikular na sa Davao Occidental pinaagi sa clustering strategy. Samtang, padayong gihapon ang ilang monitoring surveillance sa ASF sa rehiyon.
“Repopulation ang atin. Magsugod na ‘tag sentinelling didto (sa Davao Occidental) para maka-declare na ‘ta from “red” zone siya mahimo nang “pink”. So mag sentinelling na ‘ta didto maong ang grupo nato naa naga-akatar karon didto,” segun ni Oñate.
RadyoMaN Kirby Manzon
