Maayon, Capiz- Pilason ang isa ka persona matapos ini ang nalab-an sang mismo manghod sini alas 9:45 sang gab-e sa Poblacion Ilawod banwa sang Maayon.
Ginkilala ang biktima kay Jose Dieta y Balmes, 57-anyos sang nasambitan nga lugar nga nag-angkon sang pilas sa ulo, tuo nga kamot kag iban pa nga parte sang lawas.
Ginatudlo nga suspek ang manghod sini nga si Ruel Dieta, 52-anyos nga gilayon man nga nadakpan.
Ang madugay nga hiligut-anon sa tunga sang suspek kag biktima ang kabandanan sang krimen.
Samtang narekober naman sang mga kapulisan ang sanduko nga gingamit nga krimen nga nagahaba sang 22-pulgadas.
Nahibaloan nga lunsay mga nakainum ang amu nga mga persona sang nagluntad ang krimen.
Facebook Comments
