BACOLOD CITY – Duha na naman ka mga lalaki ang na “intuling in the morning” nabiktima sang mga hurikap girls sa Bacolod City public plaza sini gid lamang nga kaagahon.
Ang mga biktima, isa ka 50 anyos kag 40 anyos nga mga kalalakihan, lunsay contractor kag tumandok sang Iloilo kag may gina-trabaho nga project sa Brgy. Mansilingan.
Natabo ang insidente pasado las 2 sini gid lamang nga kaagahon nga downtown area sang ciudad.
Ginpahayag nga ang 40-anyos nga biktima ang nagkuha sang isa “plaza girl” kag ini sila ang nagsulod sa isa ka lodging house sa dalan Bonifacio.
Sang yara na sa sulod, ginbayaranan na nga daan sang biktima ang babayi sang P1,000 pesos, ginhambalan siya sang babayi magpaligo anay apang sa iya pag-gwa halin sa banyo wala na ang babayi.
Nadula na ang iya kwarta wala pa na consummate ang iya arkila.
Ang 50-anyos naman nga contractor, nagkuha man sang chicks kag gindala sa isa ka pension house sa dalan San Juan.
Pay before service man ang natabo, nagbayad isa ka libo ka pesos ang biktima kag na consummate ini.
Apang sa iya pagpanaug sa lodging house, ginsugata ini sa mga hurikap girls kag ginhambalan nga “sir gusto mo isa pa?” sabay kapkap sa kalawasan sang lalaki.
Ulihi na sang natukiban sang biktima nga wala ang iya kwarta nga cash nga kapin sa P13,000 pesos nga inug-pasweldo pa niya kuntani sa iya mga tinawo.
Bangud sini, nagdagon dagon na lamang sa Police Station 1 ang mag-abyanay nga contractor agud ipa record ang ila bad experience sa plaza./dyHB BACOLOD
