Gimando sa mayor sa lungsod sa Daanbantayan sa Sugbo ang preventive Evacuation alang sa mga residente nga dool sa mga baybayon ug maapektohan sa peligro nga dala ni bagyong Tisoy.
Gitapok ni Mayor Sun Shimura ang Local Disaster Risk Reduction Management Office sa lungsod , kapolisan , Bureau of Fire Protection , Coast Guard , Municipal Social Welfare Office ug mga barangay aron planohon ang ilang mga lakang sa di pa moabot ang bagyo .
Ang Daanbantayan usa sa mga dapit sa Northern Cebu nga gipaubos sa Tropical Cyclone WSarning Signal Number 1 sa Pag-asa tungod ni bagyong Tisoy .
Iyang gimanduan usab ang mga barangay kapitan nga andamon ang ilang nga evacuation center alang niadtong gikinahanglan nga pabakwiton aron masiguro ang ilang kaluwasan .
Alang ni Shimura mas makalikay sa disgrasya kung mapangandaman ug maayo ang moigo nga kalamidad .
Kung kahinumduman ang Daanbantayan usa sa labing naapektohan sa amihanang Sugbo sa Bagyong Yolanda niadtong 2013.
