Davao City – Buot karon sa pipila ka Dabawenyos nga panahon na nga ipatuman ang death penalty.
Kini human sa nahitabong brutal nga pagpatay sa 16-anyos nga dalagita sa Koronadal.
Sa interbyu sa DXDC RMN Davao kang alyas Rene, gibutyag niii nga posibleng mahadlok na ang usa ka indibidwal nga muhimo og dautan sama sa pagpatay kung nasayud kining death penalty ang mamahimong silot kaniya.
Samtang saysay usab ni alyas Mark nga angay lamang nga kamatayon ang silot kung pagpatay usab ang iyang nahimo.
“Kay kung ingon ato man ang iyang gibuhat dapat sa iyaha pud mabuhat ang krimen nga iyang gibuhat. Dapat patyon pud siya,” saysay niini.
Nasayran nga mi-ani og reaksyon gikan sa mga netizens ang pagpatay sa menor de edad diin sa pagkakaron padayon pang gina-imbestigahan ang krimen.
RadyoMaN Kirby Manzon
