Sistema sa ComVal plebiscite giluwatan

29

Davao City – Usa ka adlaw ayha ang plebisito sa pag-ilis sa pangalan sa Compostela Valley (ComVal) ngadto sa Davao de Oro, gipasabot sa Local Government Unit (LGU)-ComVal ang sistema panahon sa pagboto ugmang adlawa, Sabado, Disyembre 7, 2019.

Sa interbyu sa DXDC RMN Davao kang Jayvee Tyron L. Uy, gobernador sa probinsya, gibutyag niini nga muboto ang mga taga ComVal sa susamang mga presinto nga gigamit niadtong local ug national election diin didto usab nila makita ang ilang mga pangalan.


“Same lang gihapon ang pamaagi kung asa ang clustered precinct nga gibotohan nimo atong 2019 national and local election, didto gihapon muadto,” saysay ni Uy.

Sa gipagawas nga sample ballot, YES/OO o NO/HINDI lamang ang isulat sa botante nga tubag sa usa ka pangutana kung musugot ba kini nga ilisan ang pangalan sa ComVal ug himuong Davao de Oro.

RadyoMaN Kirby Manzon

Facebook Comments

From Advertisers