Dabawenyos lauman ang mas exciting nga Torotot Festival 2018

40

Davao City – Lauman sumala pa ang mas exciting ug mas bibo nga selebrasyon sa Torotot Festival 2018 nga usa sa mga dagkong events nga hatud sa Pasko Fiesta sa Davao ning tuiga.

Kini ang gibutyag ni Dan Salvaña, Event Director sa Torotot Festival sa gipahigayong Media Launch alang sa maong event karong hapon, diin karong tuiga adunay tulo ka mga kompetisyon sulod sa maong event.

Kini gilakipan sa Giant Torotot Festival Competition, Torotot-Inspired Costume Competition ug ang Torotot Dance Competition diin abri kini sa tanang mga barangay ug residente sa dakbayan sa Davao.

Ipahigayon ang Totorot Fest sa December 31, 2018 o katapusang adlaw sa tuig isip pag welcome sa 2019 pinaagi sa kasadya ug kalingawan.

Sumala usab ni Beethoven N. Sur, Corporate Affairs Manager, nga mas dako ang mga premyong nagpaabot sa mga mananaog sa nagkadaiyang kompetisyon diin plano usab niini nga himuong open ang kompetisyon sa sunod tuig alang sa mga buot muapil gawas sa dakbayan sa Davao.

Gipadayag usab ni Hon. Ryan Alejandre ang iyang suporta niini diin ila na usab nga gihisgutan ang pagpatuman sa seguridad aron nga mamahimong bibo, hapsay ug malinawon ang pagpatuman sa maong aktibidad.

RadyoMaN Kirby Manzon

Facebook Comments