Gibutyag ni Cerilo Matobato atol sa pakighinabi sa DXDC RMN Davao nga nag-ekonomiya siya sa paggamit sa kuryente ug tubig. Ingon man, giingon niya nga ang pinaka-maayong buhaton mao ang pagtinabangay sa pag-ampo nga maundang na ang kagubot sa Middle East aron usab matapos na ang kalisod nga nasinati sa lain-laing nasud.
Sumala pa ni Marlon Menchaves, pilion na lamang niya ang paggamit og bisikleta o pagbaklay tungod sa mahal nga presyo sa petrolyo. Gani, huna-hunaon na lang usab niya nga usa kini ka paagi aron maka-ehersisyo siya.
Samtang sumala sab ni Rohayna Mangadas, itlog na lamang ang iyang kanunay lutuon nga sud-an alang sa iyang pamilya gumikan nga anaa na lamang sa P500.00 ang iyang limpyo nga mauli gikan sa pagpaninda.
Gani si Lolith Manitas, giingon nga limitahan na lamang niya ang pagsuroy sa downtown ngadto sa duha ka beses sa usa ka bulan gikan sa Magtuod, New Carmen, Davao City.
RadyoMaN Kareen Beltran
