May namumuro ulit na rollback sa presyo ng gasolina sa susunod na linggo.
Batay sa unang apat na araw ng trading, posibleng bumaba ng bente (₱0.20) hanggang kwarenta’y singko (₱0.45) sentimos ang presyo ng kada litro ng gasolina.
Habang mapuputol na ang ilang linggong bawas-presyo sa kerosene dahil inaasahang tataas ang presyo nito ng diyes (₱0.10) hanggang bente (₱0.20) sentimos kada litro.
Dagdag na bente (₱0.20) sentimos o tapyas na diyes (₱0.10) sentimos naman ang aasahan sa diesel.
Ayon sa mga taga-industriya, pababa pa rin ang trend ng presyo ng langis dahil sa mahinang economic activity ng Amerika at China, pero inaasahang tataas na ang demand pagsapit ng Agosto.
Facebook Comments
